Калі трэба. З невялікімі абмежаваннямі.

MySQL - гэта сіcтэма кіравання базамі дадзеных, якая найбольш падыходзіць для інтэрнэт праектаў: надзейная, хуткая,
гнуткая. Напэўна, ты ўжо гэта ведаеш і сутыкаўся з MySQL раней. Самоменш, MySQL выкарыстоўваецца як змесціва інфармацыі
шматлікімі сістэмамі кіравання кантэнтам сайта (CMS - content management system), чым ствараецца дадатковая нагрузка на сэрвэр.

Менавіта гэты факт і ёсць прычынай некаторых абмежаванняў выкарыстання MySQL на бесплатным хостингк NA.BY. Сістэмы кіравання сайтам CMS,
асабліва бясплатныя - іх як раз ставяць найчасцей - напісаны даволі бязглузда і вельмі нерацыянальна скарыстоўваюць рэсурсы сэрвэра.
Ў выніку гэтага церцпіць сотня ўладальнікаў прыстойных сайтаў, якія месцяцца на гэтым жа сэрвэры.

З іншага боку, некаторым сайтам жыццёва неабходна база дадзеных. Гэта могуць быць навінавыя рэсурсы, электронныя энцыклапедыі і шмат іншых.

Таму, калі вам сапраўды патрэбна база MySQL, абярыце адзін з наступных варыянтаў:

Умовы прадастаўлення MySQL

Варыянт 1. З тваім даменам другога ўзроўню.

1. Ты пераносіш да нас свой сайт з уласным даменам (дамен застаецца ў тваёй уласнасці).
2. Ты пагаджаешся выканаць умовы хостынга Na.By, а таксама дадатковыя ўмовы хостынга з тваім даменам.

Варыянт 2. З нашым даменам другога ўзроўню.

1. Мы бясплатна рэгіструем для цябе дамен другога ўзроўню (імя.ru, імя.com, імя.net, імя,org, імя.biz ці имя.info). Мы аддаем яго ва ўласнасць праз год пасля рэгістрацыі і аплочваем яго ўвесь час, пакуль сайт размяшчаецца ў нас.
2. Ты пагаджаешся выканаць умовы хостынга Na.By, а тасама дадатковыя ўмовы хостынга з бясплатным даменам.